Útlagi. peysa

Ofsalega skemmtileg peysa, bæði að prjóna og njóta! Öll munstur eru einföld og byggð á 4 lykkjum í 4 umferðum.

Peysan er prjónuð ofanfrá og niður, í hring. Stroff í hálsi er gert tvöfalt með því að prjóna uppfit við síðustu umferð af stroffi. Hálsmál er mótað með því að prjóna styttar umferðir í byrjun á berustykki. Á berustykki er aukið út sitthvoru megin við laska. Peysunni er síðan skipt upp í ermar og bol. Fellt er af með ítalskri affellingu til að fá teygjanlegt stroff neðst á bol og ermum.

Peysan kemur í 6 stærðum: 1 árs, 2 ára, 3 ára, 4 ára, 5 ára og 6 ára.

Stærðir:                1             2             3             4             5             6            

Yfirvídd:               65           67           70           72           76           78

Lengd á bol         21           23           25           28           30           32          

Garnmagn           4             5             6             6             7             8            

Garn: Uppgefið garn er Smart garn frá Sandnes. Garnið er gefið upp sem 50 g = 100 metrar. Auðvelt er að skipta garninu út fyrir annað sem gefur sömu prjónfestu.

Prjónfesta: 21 L í sléttu prjóni á prj nr 4.

Efni og áhöld:

• Sokkaprjónar nr 3½ og 4.
• Hringprjónar nr 3½ og 4.
• Prjónamerki.
• Nál til að ganga frá endum og fella af með ítalskri affellingu.