Skjaldflétta, peysa og húfa

Falleg peysa og húfa í stíl með köðlum.

Peysan er prjónuð ofanfrá og niður, í hring. Stroff í hálsi er gert tvöfalt með því að prjóna uppfit við fyrstu umferð eftir stroff. Á berustykki er aukið út sitthvoru megin við laska. Peysunni er síðan skipt upp í ermar og bol. Fellt er af með ítalskri affellingu til að fá teygjanlegt stroff neðst á bol og ermum.

Peysa og húfa koma í 6 stærðum: 1 árs, 2 ára, 3 ára, 4 ára, 5 ára og 6 ára.

Stærðir á peysu:

Stærðir:                1             2             3             4             5             6            

Yfirvídd:               65           68           70           73           76           77

Lengd á bol:        23           24           25           26           28           30           

Garnmagn:          5             5             6             6             7             8

Stærðir á húfu:

Stærðir                1             2             3              4            5             6

Garnmagn           2             2             2             2             2             2

Garn: Uppgefið garn er Smart garn frá Sandnes. Garnið er gefið upp sem 50 g = 100 metrar. Auðvelt er að skipta garninu út fyrir annað sem gefur sömu prjónfestu.

Prjónfesta: 21 L í sléttu prjóni á prj nr 4.

Efni og áhöld:

• Sokkaprjónar nr 3½ og 4.
• Hringprjónar nr 3½ og 4.
• 8 prjónamerki.
• Nál til að ganga frá endum og fella af með ítalskri affellingu.